أشعة الشمس هي الوحيدة لكتزودنا وكاتعطي الجسم
الحاجيات ديالو من فيتامين دي وهاد الأخير ضروري
لينا ولكن الأغلب كيمشي كيديرمساحيق ومنتجات ضد
الشمس بشكل يومي سوا كان غادي لبحر ولا غادي
لخدمة ديالو وهادشي حيثاش كيستبعد اتلاقا جلدو لأشعة
الضوئية فوق البنفسجية لكاتبي من الشمس واش هادشي
لكنديرو صحيح ولا غكانرونو ! لي معندوش فيتامين دي
وخاصو إيدير الكريمالواقي من الأشعة مجلة فوكوس
الألمانية كاتقول وهادشي بتزكية من عند الخبراء أنه خاص
ضروري تقيس وتوازن بين داكشي لمحتاجالجسم لشمس
و القدر من الحماية من الأشعة الضارة المسببة لسرطان
ولكن كاين لخاصو ضروري يدير هاد لكريمات باش احمي
راسو من الشمس وبشكل متوالي على أساس إحمي الجلد
ديالو من الوقوع في الحروق وهادشي لمخربق بزاف دناس
لاحقاش تا لكريمات وهادالمساحيق الوقاية من أشعة
الشمس تاهيا عامرة بتركيبات اصطناعية خطيرة على
الجسم مانساوش بلي ضعف فالفيتامين دي كيوصلنا
لأمراض أخطرها هشاشة العظام والله يستر هي لكاتأدي
لتشوهات خايبة في الهيكل وعظام نتاع الجناب عند دراري
الصغار اما لي بالغين والكبار فهاد النقص مازاكلهمش
تاهوما كيخلي ليهم الجسد هش وضمور كبير فعضلات
والإحساس بالإرهاق نهار كامل والوجع فمناطق كثيرة من
البدن كانت شي كوشوفات علمية دارت شحال هادي باينت
أن الأشخاص لعندهوم نقص في فيثامين دي هم مهددين
اتصابو فأي لحظة بالزهايمر والنسيان والتوحذ وتضارب
في الشخصية وايضا اضطراب فالأمعاء وأمراض القلب
والشرايين ، المجلة الألمانية جات بشيأبحاث علمية
مكاتأكدش نييت كيفاش الكريمات وهاد المنتجات الواقية
من الشمس كتمنع البدن من انتاج هاد فيتامين دي وواخا
هكاك كتأكدان الفرد مايلجأش ليها بشكل متوالي ومستمر
وهادشي غير على مصلحتو باش اخلي مرة مرة أشعة
الشمس تضربو لاحقاش هاد موادكاتفشلها ومكاتخليهاش
تدير خدمتها وقيتة نتاع طوب التسليط الإشعاعي على
ماجا فبحث معهد روبرت كوخ لوقيتة الزوينة والواعرة
فاشكايتنتج فيتامي دي كيتفاوت من بلاصة لبلاصة
ومن دولة لدولة بحال مثلا فألمانيا كاتكون لفترة نتاع
انتاج فيتامين د مابين مارس حتى اخرنتاع أكتوبر كيما
قالت مجلة فوكوس ان الوقيتة الواعرة لتعرض لأشعة
الشمس هي مابين حضاش ديال الصباح وجوج دلعشية
وبالضبط هناكاتكون طوب نتاع الشمس وهادشي علاش
العلماء نتاع الصحة كيرشدو الأشخاص باش اتلاقاو لأشعة
الشمس فديك الوقيتة وعبر فتراتمتوزعة فأيام الأسبوع وبلا
مساحيق اولا كريمات الوقاية ومن الأحسن كما كايقولو ان
الجسم اكون مغطي بقماش خفيف وتخلي الدراعوالرجلين
منهم لأشعة الجسم كيحقق كفاية وحاجياتو لمدة مابين
خمسطاش تال تلاتين دقيقة فكل مرة باش اتكون فيتامين (د)
داخل البدنوباش تبعد الإصابة بسرطان الجسم مخاصكش
تكتر من دوشات ولما فالصيف ولكنتي عاتبقا مدة طويلة
فخاصك دير شي حماية عالية منأشعة الشمس وباش تأكد
من مخزون وشحنات نتاع فيتامين (د ) فداخل الجسم
وخاصة لشهور البرد والشتاء تقدر تستشار مع الطبيب
وادير لك كشف مستوى فيتامين (د ) وماتنساش تاكل
اغذية غنية به بحال الحوت اولا بعض المكملات الغدائية
لفيها هاد الصنف منالفيتامين ولكن بوصفة طبية لاحقاش
لكثرتي من هاد المكملات عندهم اعراض جانبية ومخاطر
على صحة ديالك .
